كيف تربح المال وتحقق ثروه كبيرة

كيف تربح المال

بما إنك وقع فى ايدك مقالنا ده يبقى أنت من المحظوظين اللى اتفتحلهم باب الحظ عشان يعرفوا اسهل واحسن الطرق لتكوين ثروة مالية كبيرة بكل سهولة ! وده طبعاً من خلال قوانين الحظ والنجاح !!

هتقولى هو الحظ والنجاح ليه قوانين ؟

هقولك طبعا ... وفشلك وخسارتك المتتالية ده بيدل على انك عندك خلل فى قوانين الحظ دى ولما حالك يتصلح الخلل بيروح لحاله !!

طيب انت تعرف ان فى مقدورك تسخر قوى الكون والسعادة كلها لصالحك ؟؟ وده بحاجات فى منتهى السهولة ومش هتكلفك حاجه كمان

تعالى ندخل فى الموضوع علطول :)

دلوقتى هقولك ها تختار اللى تقدر عليه ونفذه واوعى تستهون بأى خطوه من دول !

1. اولا اتعلم تعمل زى ما قالوا علماء التنمية البشرية يعنى تجيب ورقه وتكتب فيها اللى نفسك فيه مثلا ( عايز اكسب 20 الف ريال ) واكتب فيها كمان اهدافك اللىى نفسك تحققها كلها وعلق  الورقه دى فى مكان تقدر تشوفه فى اى وقت زى المكتب او باب الغرفه او حتى اى كرسى بتقعد عليه اهم شئ تعلقها فى مكان بتشوفه كتيير عشان تبقى قدامك كل الاوقات.
2. جيب ورقه تانيه واكتب فيها اكتر حاجه مخوفاك وواقفه فى طريق سعادتك ولو فيه مشكله مضيقاك وعايز تفضفض اكتبها واكتب اى حاجه حصلت ونفسك تنساها وهات الورقه وقطعها وارميها قدام عنيك او ولع فيها :) وبجد مش هزار هتحس ساعتها كأنك رميت همومك واراهنك ان الهموم زى عمرها ما هترجع تانى اصلك خلاص رميتها .
3. فكر كتير واتأمل نفسك وشوف انت مميز بأيه وفكر فى اى وسيله تجمع بيها الثروه المطلوبه وعلى فكره كتير مننا بيبقى قدامهم الفرصه لصنع ملايين وعندهم قدرات خرافيه لكن مش بيبقوا واخدين بالهم منها وبيرجعوا يتهموا القدر بتهم هو برئ منها وبيقولوا ظروفنا كده !
4. حاول تعاهد نفسك على انك توفر مبلغ من المال كل شهر وحدد المبلغ ده لنفسك ولو شايف ان ده صعب  ممكن تجيب حصاله صغيره من غير قفل وتحط فيها المبلغ واوعى تفتحها الا لما تحس ان فيها مبلغ كويس يعنى م الاخر لازم تكون مليانه على اخرها :)
5. سافر واخرج واحتك بالناس واتعرف على اشخاص وشوف اماكن جديده واتعرف على رؤساء عمل واعرف منهم قصص نجاحهم وازاى بدأوا ولو لمده شهر واحد وصدقنى هتلاقى همتك بدأت تزيد بمجرد انك شوفتهم بيحققوا ثروه بسهوله .
6. اهم حاجه انك تخرج صوره فلان ( الشخص الفقير ) من دماغك وتدخل مكانه صوره انسان غنى او شخصيه ناجحه تحب تكون زيها وده هيحفذك اكتر تبقى زيه لأنه ثبت علميا ان الخيال له اكبر اثر فى التأثير على مستقبل الانسان يعنى لو انت حطيت فى دماغك انك فاشل ومش هتقدر او حتى قولت لنفسك انك فاشل بصوت واطى صدقنى ساعتها مش هتشوف غير الفشل وده مش كلامى ده كلام كبار العلماء فى علم النفس !
7. حاجه مهمه كمان لو عايز تعمل حاجه وتستمر على فعلها زى توفير المال مثلا او الاستغفار او الصلاه او غيره من الامور دى ... اعمل الحاجه دى لمدى 66  يوم ...هتقولى اشمعنى 66  يوم ؟ هقولك لان فيه دراسه جديده لجامعه فى لندن اثبتت ان اى عاده جديده تتعمل ط يوم ورا بعض الانسان ساعتها بيبتدى يمارسها بشكل الى لانه بيكون اتعود عليها وصعب جدا انه يستغنى عنها ! :) 
8. واهم حاجه فى كل ده انك تكون صبور وطموح وكل لما تحس بالتعب تفتكر الثروه اللى ممكن تجيلك والنعيم اللى هتكون فيه بعد صبر وتعب وافتكر دايما ان النجاح مش هيجيلك لحد عندك !
9. بعد كل فتره عمل وجهد استرخى عشان تنظم تفكيرك ونام لده ما تقلش عن 8 ساعات عشان تصفى ذهنك وتقدر تشتغل تانى بكل نشاط وماتشربش قهوه اكتر من كوبايتين فى اليوم لان فيه شعره واحده بين يقظه المخ وتهيجه .
10. اضحك وافرح  وحب الناس وساهم فى اسعادهم وادخال الفرحه لقلوبهم  واوعى تدخل الكراهيه قلبك مهما حصل ... سامح وأنسى واغفر واعرف ان ربنا كاتبلك الخير والسعاده وانه احسن حد ممكن يقف جمبك ويساعدك .
11. اخيراا لازم تكون عارف ان رزقك عند الرازق عشان كده لازم تقرب منه كتيير وتستغفره لان هو اللى هيديك كل ده بأذنه وعلى فكره كلامى ده عن تجربه شخصيه :)

 

اتمنى اكون افدتكم ويكون مقالى بمثابه دافع ليكم عشان تحققوا اللى بتحلموا بيه من غير تردد او كلل اوملل لأن ياما ناس نجحت من غير ما يكون عندها اى شئ بس صبرها وثقتها بالله وبمجهودها أثبتت للعالم انها تقدر تعمل المستحيل واكبر دليل على كده العلماء والادباء اللى كان عندهم اعاقات ومع ذلك نجحوا ووصلوا !! المشكله مش الدنيا والظروف .... بكل اسف المشكله فينا إحنا